პარლამენტის შენობასთან მიხეილ სააკაშვილისა და დავით ბაქრაძის ფიტულების დაწვა იგეგმება
რუსთაველის გამზირზე, პარლამენტის შენობის წინ მიხეილ სააკაშვილისა და დავით ბაქრაძის ფიტულების დაწვა იგეგმება. პრეზიდენტისა და უმცირესობის ლიდერის
ფიტულები რუსთაველზე ორგანიზაცია "გადაარჩინე სიცოცხლის" წარმომადგენლებმა მიიტანეს, რომლებიც სამართლიანობის აღდგენის მოთხოვნით სპეციალურ აქციას მართავენ.
ფიტულების გარდა პარლამენტის შენობის წინ გამოფენილია ყოფილი ხელისუფლების პოლიტიკური თანამდებობის პირების გადახაზული ფოტოები. ორგანიზაციის წარმომადგენლები დღევანდელ აქციაზე ელოდებიან არასამთავრობო ორგანიზაციების და სხვადასხვა მოძრაობის წარმომადგენლების მისვლას. ასევე, მათი განცხადებით, აქციაზე მიწვეული არიან აღმასრულებელი და საკანონმდებლო ხელისუფლების წარმომადგენლები.
წყარო:
interpressnews.ge