"ქართული ოცნების" პრეზიდენტობის კანდიდატი, გიორგი მარგველაშვილი თავდაცვის მინისტრ, ირაკლი ალასანიასთან ერთად "ექსპო-ჯორჯიას" მე-11 პავილიონში ომის ვეტერანებს ხვდება.
შეხვედრა, რომელსაც ათასზე მეტი ვეტერანი ესწრება, ირაკლი ალასანიამ გახსნა. მინისტრმა სამძიმარი გამოუცხადა ვეტერანებს და აფხაზეთის ომში დაღუპულ ოჯახებს, რის შემდეგაც სიტყვა გიორგი მარგველაშვილს გადასცა. პრეზიდენტობის კანდიდატმა ასევე სამძიმარი გამოუცხადა 20 წლის წინ, აფხაზეთის ომში დაღუპული ჯარისკაცების ოჯახებს. მთავარი აქცენტი ქვეყნის თავდაცვისუნარიანობაზე, კონფლიქტურ რეგიონებზე და ვეტერანების მდგომარეობაზე გააკეთა. შეხვედრა კითხვა-პასუხის რეჟიმში მიმდინარეობს.
როგორც ომის ვეტერანმა კობა კობალაძემ "ინტერპრესნიუსს" განუცხადა, შეხვედრა საკმაოდ საინტერესოდ მიმდინარეობს.
"ჩვენ გვაინტერესებდა პრეზიდენტობის კანდიდატის ხედვა, თუ როგორ უყურებს ის ვეტერანების საკითხს. საუბარი საკმაოდ დამაჯერებლად და საინტერესოდ მიმდინარეობს", – განაცხადა კობა კობალაძემ.
წყარო:
interpressnews.ge