გალის რაიონში გატაცებული 75 წლის კაცის გამოსასყიდად გამტაცებლები 100 ათას დოლარს ითხოვენ
გალის რაიონის სოფელ ჭუბურხინში 75 წლის გივი ძანძავა გამთენიისას გაიტაცეს და მის გასათავისუფლებლად 100 ათას დოლარს ითხოვენ. ძანძავას სახლში ხუთი შეიარაღებული ნიღბიანი შეიჭრა. ნაცემია გატაცებულის ცოლი. გამტაცებლებმა ძანძავა რუსული საგუშაგოს გავლით ოკუპირებულ ტერიტორიაზე გადაიყვანეს. ყაჩაღები გამოსასყიდის მოთხოვნით გივი ძანძავას შვილებს დაუკავშირდნენ, რომლებსაც უკრაინაში ბიზნესი აქვთ. გამტაცებლები მოითხოვენ, რომ ოჯახმა ქართველ სამართალდამცველებთან არ ითანამშრომლოს.
წყარო:
news.ge