აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და მთავრობის წევრებმა ბაბუშერას აეროპორტში თვითმფრინავის აფეთქებისას დაღუპულთა ხსოვნას პატივი მიაგეს. ამის შესახებ "ინტერპრესნიუსს" აფხაზეთის ა/რ მთავრობიდან აცნობეს.
სოხუმში, 20 წლის წინ მომხდარ აფეთქებას 100-ზე მეტი ადამიანი შეეწირა, მათ შორის საქართველოს პარლამენტის წევრი და ფრანგი ჟურნალისტი. სიკვდილს 19 მგზავრი გადაურჩა.
ვახტანგ ყოლბაიამ და აფხაზეთის ავტონომიური რესპუბლიკის მთავრობის წარმომადგენლებმა გვირგვინით შეამკეს ვაშლიჯვრის ძმათა სასაფლაო და მიუსამძიმრეს გარდაცვლილთა ოჯახის წევრებს.


წყარო: interpressnews.ge