შინაგან საქმეთა მინისტრი ირაკლი ღარიბაშვილი ტერორიზმის შესახებ ცრუ შეტყობინებების თემაზე მთავრობის სხდომის შემდეგ, ჟურნალისტებთან საუბრობს. ,,ბოროტი ხუმრობების სერია იყო. არ ვიცი, ამას სხვა რა ვუწოდო. საბოლოდ გავარკვიეთ, რომ შეტყობინებების ავტორთა შორის არასრულწლოვნები იყვნენ, 10-12 წლის ბავშვები. ყველა პირი დადგენილია. სამწუხარო ფაქტია, რომ მშობლები თავიანთ შვილებს სათანადო ყურადღებას ვერ აქცევენ. მინდა, ყველა მშობელს მოვუწოდო, რომ თავიანთ შვილებს ბოროტი ხუმრობები აუკრძალონ. საქმის წარმოება კი კანონის შესაბამისად მიმდინარეობს“,-აღნიშნავს ღარიბაშვილი. შსს კანონის გამკაცრების მიზნით ახალ საკანონმდებლო ინიციატივას ამზადებს. ღარიბაშვილს იმედი აქვს, რომ საკანონმდებოლო ცვლილებას პარლამენტი ფორსირებულად მიიღებს. მისი თქმით, ცვლილების ამოქმედების შემდეგ ყველა ცრუ შეტყობინების ავტორი მკაცრად დაისჯება.
წყარო: news.ge