საზოგადოებრივი მაუწყებლის სამეურვეო საბჭო, დღევანდელ სხდომაზე, გენერალური დირექტორის მოვალეობის შემსრულებლისგან თამაზ ტყემალაძისგან ახალ სეზონთან დაკავშირებით ინფორმაციას მიიღებს. სხდომაზე მისვლას, ტყემალაძის გადაწყვეტილებით დახურული თოქ-შოუების "აქცენტებისა" და "დიალოგის" წამყვანები ეკა კვესიტაძე და დავით პაიჭაძე გეგმავენ. ტყემალაძის განცხადებით, კვესიტაძისა და პაიჭაძის ტონი საზოგადოებრივი მაუწყებლის შინაარსს არ შეესაბამება, რაც მაყურებელს აღიზიანებს და გადაცემების დახურვის გადაწყვეტილება ამიტომ მიიღო. კვესიტაძე მისი გათავისუფლების შესახებ ბრძანებას გაასაჩივრებს.
წყარო:
news.ge