სურსათის ეროვნული სააგენტოს თბილისის სამმართველოს წარმომადგენლებმა მონიტორინგის შედეგად ნუცუბიძის ფერდობზე მდებარე სუპერმარკეტ "ზღაპარში" 10 კილოგრამამდე ვადაგასული და გაფუჭებული პროდუქტი აღმოაჩინეს. სხვადასხვა სახეობის ძეხვი, ყველი, ქათმის ღვიძლი, თევზი და სხვა პროდუქტი დაილუქა და უახლოეს დღეებში განადგურდება. როგორც სურსათის ეროვნულ სააგენტოში აცხადებენ, ისინი სასურსათო ბაზრის მონიტორინგსა და მთელი ქვეყნის მასშტაბით გეგმურ და არაგეგმურ ინსპექტირებას აგრძელებენ.
წყარო:
news.ge