„ქართული დასის“ იმერეთის ორგანიზაცია ქუთაისის  მერიის საკონკურსო კომისიის შემადგენლობას უნდობლობას უცხადებს. ამის შესახებ სახელაშვილმა დღეს, ბრიფინგზე განაცხადა. გიორგი სახელაშვილის თქმით, 7 კაციანი საკონკურსო კომისიის ერთ-ერთი წევრი ზურაბ ხურციძე მერიის ბალანსზე მყოფი ტრანსპორტით გადაადგილდება, რისი უფლებაც მას არ აქვს. სახელაშვილი იმასაც ამბობს, რომ ზურაბ ხურციძე სამჯერ ნასამართლევია.  „უნდა მოხდეს საკონკურსო კომისიის დათხოვნა,“- აცხადებენ „ქართულ დასში“. თავად ზურაბ ხურციძე გიორგი სახელაშვილის ბრალდებებს უარყოფს და აცხადებს, რომ  სახელაშვილი  "ნაციონალური მოძრაობის" ინტერესების გამტარებელია.
წყარო: news.ge