საქართველოს პრეზიდენტი გიორგი მარგველაშვილი არასამთავრობო ორგანიზაციის წარმომადგენლებს ხვდება, რომლებიც პრეზიდენტის ფონდის დაფინანსებით, შეწყალებულ მსჯავრდებულთა
რეაბილიტაციის პროექტში მონაწილეობენ.
შეხვედრა პრეზიდენტის სასახლეში მიმდინარეობს, რომელსაც არასამთავრობოების მხრიდან ესწრებიან წამების მსხვერპლთა ფსიქო-სოციალური და სამედიცინო რეაბილიტაციის კავშირის GCRT-ის აღმასრულებელი დირექტორი ლეკა ცისკარიშვილი, სარეაბილიტაციი ცენტრი "კამარას" თერაპიის პროგრამის ხელმძღვანელი ნათია ფანჯიკიძე და საია-ს აღმასრულებელი დირექტორი თამარ გვარამიძე.
პროექტის მიზანია შეწყალებულ მსჯავრდებულთა ფსიქო-სოციალური და სამედიცინო რეაბილიტაცია. პროექტის ფარგლებში შეწყალებული მსჯავრდებულები უფასოდ მიიღებენ ისეთ სერვისებს, როგორიცაა სამედიცინო, ფსიქოლოგიური, იურიდიული დახმარება.
წყარო:
interpressnews.ge