საქართველოს გზა არ არის სამხედრო კონფლიქტებში ჩართვის გზა, - ამის შესახებ ჟურნალისტებს თავდაცვის მინისტრმა მინდია ჯანელიძემ უწყების მიერ გავრცელებული განცხადების კომენტირებისას განუცხადა. მისივე განმარტებით, სამხედრო კონფლიქტში მონაწილეობა საქართველოს ინტერესებში არ შედის.
"მე მყარად მჯეროდა და ახლაც მჯერა, რომ საქართველოს გზა არ არის სამხედრო სივრცეში ჩართვის გზა. ჩვენს ეროვნულ ინტერესებში არ შედის სამხედრო კონფლიქტში მონაწილეობა. სამხედრო კონფლიქტებმა რაც მოგვიტანა, ძალიან კარგად დავინახეთ – ეს არის 20% ოკუპირებული ტერიტორიები და საოკუპაციო ძალები დედაქალაქიდან 40 კილომეტრში. ამიტომ ეს არ შედის ჩვენს ეროვნულ ინტერესებში", - განაცხადა მინდია ჯანელიძემ.


წყარო: interpressnews.ge