საქართველოს პრემიერ–მინისტრმა ირაკლი ღარიბაშვილმა უმსხვილესი ჩინური კომპანია "ჰუალინგ ჯგუფის" თავმჯდომარეს მი ენხუას საქართველოში
განხორციელებული უმსხვილესი ინვესტიციებისთვის მადლობა გადაუხადა. ამის შესახებ "ინტერპრესნიუსს" მთავრობის ადმინისტრაციის პრესსამსახურიდან აცნობეს.
"მადლობას გიხდით თქვენს მიერ განხორციელებული წარმატებული პროექტებისა და ძალიან მნიშვნელოვანი ინვესტიციებისთვის. მინდა, კიდევ ერთხელ, ხაზგასმით აღვნიშნო, რომ საქართველოში გამჭვირვალე და უსაფრთხო საინვესტიციო გარემოა, რაც არის გარანტი სამომავლო თანამშრომლობის გაღრმავების,"–განაცხადა ირაკლი ღარიბაშვილმა.
მესამე კვარტლის მონაცემებით, უცხოური ინვესტიციების რაოდენობით ჩინური კომპანია "ჰუალინგ ჯგუფი" პირველ ადგილზე იმყოფება.
წყარო:
interpressnews.ge