კულტურისა და ძეგლთა დაცვის მინისტრი ხვალ იმერეთის რეგიონს ეწვევა. სამინისტროს ცნობით, მინისტრი 14:30 საათზე, ხარაგაულში, რეგიონის ექვსი მუნიციპალიტეტის
(ხარაგაული, საჩხერე, ტყიბული, ბაღდათი, ხონი, ზესტაფონი) სამუსიკო სკოლებს, ფოლკლორულ ანსამბლებსა და სამუსიკო ჯგუფებს შემოქმედებითი საქმიანობის ხელშეწყობის მიზნით ხალხურ საკრავებს, კლასიკურ, საესტრადო მუსიკალურ ინსტრუმენტებსა და აუდიო აპარატურს გადასცემს.
მინისტრი ხარაგაულის კულტურის სფეროს მუშაკებს, მუნიციპალიტეტების გამგებლებსა და გამგეობის წარმომადგენლებს შეხვდება.
შეხვედრა ხარაგაულის კინოთეატრის შენობაში გაიმართება, რომელიც კულტურის სამინისტროს მიერ მიმდინარე წელს კინოჩვენებისათვის საჭირო აპარატურით აღიჭურვა.
წყარო:
interpressnews.ge