შერიგებისა და სამოქალაქო თანასწორობის საკითხებში სახელმწიფო მინისტრის აპარატთან მიმდინარე საპროტესტო აქციას ჩხუბი და დაპირისპირება მოჰყვა.
"კურიერის" ინფორმაციით, უწყებასთან შეკრებილი მოქალაქეების ჯგუფი სახელმწიფო მინისტრ პაატა ზაქარეიშვილის პოლიტიკას აპროტესტებდა და მის გადადგომას ითხოვდა, როდესაც აქციის მონაწილეებთან არასამთავრობო ორგანიზაცია "თავისუფალი თაობის" წარმომადგენლები მივიდნენ. ლადო სადღობელაშვილი დაინტერესდა, რატომ იყვნენ შეკრებილი მომიტინგეები, რასაც ჯერ სიტყვიერი, შემდგე კი ფიზიკური დაპირისპირებაც მოჰყვა.
"აქ გვაქვს ოფისი. გამოვდიოდით და დაგვაინტერესა ამ აქციის შინაარსმა. იმის მაგივრად, რომ ნორმალური პასუხის გაეცათ, წამოვიდა აგრესია. ესენი არიან სააკაშვილის მოგზავნილი მონები", - განაცხადა ლადო სადღობელაშვილმა.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი