თბილისის მერი დავით ნარმანია საქართველოში ჩინეთის ელჩს, იუე ბინს შეხვდა. შეხვედრას თბილისის ვიცე-მერი, ალექსანდრე მარგიშვილი და ეკონომიკური პოლიტიკის საქალაქო სამსახურის უფროსი, ირაკლი ბერეკაშვილი ესწრებოდნენ.
შეხვედრაზე საუბარი შეეხო მხარეებს შორის თანამშრომლობას და სამომავლო ურთიერთობის პერსპექტივებს. როგორც თბილისის მერმა აღნიშნა, ჩინური კომპანიები თბილისში მნიშვნელოვან ინფრასტრუქტურულ პროექტებში არიან ჩართულები და აქედან გამომდინარე, თბილისის მერიას ჩინეთის საელჩოსთან მჭიდრო ურთიერთობა აქვს.
დავით ნარმანიას განცხადებით, ნოემბერში თბილისის მერიის დელეგაცია ჩინეთში, დამეგობრებულ ქალაქ გუანჯოუში გაემგზავრება, სადაც კონკრეტული საინვესტიციო პროექტები განიხილება. ქართული მხარე ჩინელი ინვესტორებისთვის საინვესტიციო პროექტებს მოამზადებს.











წყარო: interpressnews.ge