ქარვასლაში "უკრაინული დღეები" გუშინ სრული ანშლაგით გაიხსნა. კონცერტზე უკრაინელმა სოლისტებმა და ეროვნული მუსიკალური ცენტრის სიმფონიურმა ორკესტრმა ჩაიკოვსკის სავიოლინო კონცერტი და ჰაიდნის ჩელოს კონცეტი შეასრულეს. მსმენელის წინაშე ჩელისტი არტემ პოლუდენი და მევიოლინე დიმიტრი ტკაჩენკო წარსდგნენ. კონცერტს ნიკოლოზ რაჭველი დირიჟორობდა.
ღონისძიებას ესწრებოდა უკრაინის ელჩი საქართველოში.
"გაუმარჯოს საქართველოს! სლავა უკრაინი!" - ამ სიტყვებით დაასრულა დღეს უკრაინის ელჩმა ვასილ ციბენკომ სამადლობელი სიტყვა.
უკრაინის დღეები ქარვასლაში 26 ოქტომბრამდე გაგრძელდება და მასში მონაწილეობას როგორც უკრაინელი ასევე ცნობილი ქართველი სოლისტები მიიღებენ.



წყარო: interpressnews.ge