საქართველოს საპარლამენტო დელეგაცია ბალტიის ასამბლეის 33-ე და ბალტიის საბჭოს 20-ე სესიას დაესწრება
საქართველოს პარლამენტის თავმჯდომარის მოადგილე, სუამ-ის საპარლამენტო ასამბლეის დელეგაციის ხელმძღვანელი ზურაბ აბაშიძე
და საქართველოს პარლამენტის წევრი შალვა შავგულიძე, 23-24 ოქტომბერს, ესტონეთის დედაქალაქ ტალინში ბალტიის ასამბლეის რიგით 33-ე და ბალტიის საბჭოს რიგით 20-ე სესიას დაესწრებიან.
როგორც "ინტერპრესნიუსს" პარლამენტიდან აცნობეს, საქართველოს საპარლამენტო დელეგაციასთან ერთად სესიას სუამ-ის გენერალური მდივანი ვალერი ჩეჩელაშვილი, სუამ-ის საპარლამენტო ასამბლეის წევრები უკრაინიდან და აზერბაიჯანიდან, სკანდინავიის საბჭოს, ბენილუქსის პარლამენტის, ვიშეგრადის ქვეყნების პარლამენტების წარმომადგენლები და ბალტიის ქვეყნებში აკრედიტებული დიპლომატიური წარმომადგენლობების თანამდებობის პირებიც დაესწრებიან.
წყარო:
interpressnews.ge