საქართველოს სამთავრობო უწყებებსა და ევროპის რეკონტრუქციისა და განვითარების ბანკს შორის მემორანდუმი გაფორმდება
მთავრობის ადმინისტრაციაში ხვალ, საქართველოს სამთავრობო უწყებებსა და ევროპის რეკონტრუქციისა და განვითარების ბანკს შორის ურთიერთგაგების
მემორანდუმი გაფორმდება.
როგორც "ინტერპრესნიუსს" პრემიერის პრესსამსახურიდან აცნობეს, მემორანდუმის ფარგლებში ევროპის ბანკი ხელს შეუწობს სახელმწიფო პროგრამის "აწარმოე საქართველოში" მიმდინარეობას.
ევრობანკის მთავარი მიზანია, ტექნიკური დახმარების უზრუნველყოფა მცირე და საშუალო საწარმოებისთვის, რათა მოხდეს მათი კონკურენტუნარიანობის სტიმულირება, მეწარმეობის წახალისება, ინოვაციების დანერგვა და ახალი ტექნოლოგიების აქტიური გამოყენება.
წყარო:
interpressnews.ge