ვეტერანების სახელმწიფო სამსახურის ხელმძღვანელი ირაკლი შიხიაშვილი რეგიონებში ვეტერანებთან შეხვედრას იწყებს.
პირველი შეხვედრა დღეს, 14:00 საათზე, ქუთაისში ლ. მესხიშვილის სახელობის თეატრში გაიმართება, სადაც ხელმძღვანელი ვეტერანებს სამომავლო გეგმებსა და განსახორციელებელ პროექტებს გააცნობს.
ვეტერანებს ექნებათ საშუალება ირაკლი შიხიაშვილს პირადად დაუსვან კითხვები, თავიანთი შენიშვნები და თხოვნები გაუზიარონ. შეხვედრაზე ვეტერანებს ასევე დაურიგდებათ კითხვარები, სადაც ისინი ვრცლად გააცნობენ საკუთარ მდგომარეობას ვეტერანების სახელმწიფო სამსახურს.
ირაკლი შიხიაშვილის შემდეგი ვიზიტი სამეგრელოში იგეგმება.
წყარო:
interpressnews.ge