თინა ხიდაშელი არ გამორიცხავს, რომ რუსეთ-აფხაზეთის თანამშრომლობის საკითხზე რეზოლუციის რამდენიმე პროექტი არსებობდეს
საპარლამენტო ურავლესობის წევრი თინა ხიდაშელი არ გამორიცხავს, რომ რუსეთსა და აფხაზეთს შორის "მოკავშირეობისა და ინტეგრაციის" პროექტის საპასუხოდ, პარლამენტში
რეზოლუციის რამდენიმე პროექტი არსებობდეს.
ხიდაშელის განცხადებით, საქართველოს პარლამენტის რეზოლუციების რაოდენობა დამოკიდებულია იმაზე, თუ რა პოზიცია ექნება "ნაციონალურ მოძრაობას".
"რამდენი რეზოლუცია გვექნება, ეს დამოკიდებულია იმ პოზიციაზე, რა პოზიციას დაიკავებენ ისინი. ის, რომ უმრავლესობა ამ თემას აუცილებლად გამოეხმაურებოდა, ჩემი აზრით, სრულიად ნათელი იყო გუშინაც, როდესაც უსაფრთხოების საბჭოს განცხადება გავრცელდა. ნათელი იყო შესაბამისი მინისტრების და ასევე ჩვენი უმრავლესობის წევრების განცხადებებიც. ამიტომ, ორი რეზოლუცია იქნება თუ ერთი, ეს დამოკიდებული იქნება იმაზე, თუ რა პოზიცია ექნება უმცირესობას", - განაცხადა თინა ხიდაშელმა ჟურნალისტებთან საუბრისას.
წყარო:
interpressnews.ge