საქართველოს პრემიერ-მინისტრი, ირაკლი ღარიბაშვილი სოფლის მეურნეობის მინისტრ, ოთარ დანელიასთან ერთად ხვალ სურსათის ეროვნული სააგენტოს ახალ ოფისს გახსნის.
ცერემონიას საერთაშორისო ორგანიზაციების, სოფლის მეურნეობის სამინისტროს და სურსათის ეროვნული სააგენტოს თანამშრომლები დაესწრებიან.
"სურსათის ეროვნული სააგენტო ახალი გამოწვევების წინაშე დგას, განსაკუთრებით ღრმა და ყოვლისმომცველი თავისუფალი ვაჭრობის სივრცის ხელშეკრულების (DCFTA) ამოქმედების შემდგომ.
მიმდინარეობს აქტიური მუშაობა ევროკავშირთან ჰარმონიზაციის კუთხით და მის ბაზარზე ექსპორტის ხელშესაწყობად. ეს პირველ რიგში, დაიცავს ქართველ მომხმარებელს საფრთხის შემცველი, მავნებელი სურსათისგან", - აცხადებენ სააგენტოში.
ახალი ოფისი 15:30 საათზე გაიხსნება.


წყარო: interpressnews.ge