რუსეთის საგარეო უწყება - საქართველოში ნატო-ს ინფრასტრუქტურის განთავსება კავკასიის რეგიონში სტაბილურობას საფრთხეს შეუქმნის
ნატო-ს ინტერესების გათვალისწინებით, საქართველოში ნატო-ს ინფრასტრუქტურის განთავსება საფრთხეს შეუქმნის კავკასიის
რეგიონში იმ სტაბილურობას, რომელიც ახლა ყალიბდება.
"რია ნოვოსტის" ინფორმაციით, ამის შესახებ საუბარია რუსეთის საგარეო საქმეთა სამინისტროს განცხადებაში, რომელიც ჟენევაში ამიერკავკასიასთან დაკავშირებულ მორიგ დისკუსიას უკავშირდება.
"რუსეთის მხრიდან გამოითქვა შეშფოთება ქართული მედიის მიერ გაჟღერებულ იმ გეგმებთან დაკავშირებით, რაც საქართველოს ტერიტორიაზე ნატოს ინტერესების გათვალისწინებით სამხედრო ინფრასტრუქტურის განლაგებას შეეხება. ასეთი ქმედებები საფრთხეს შეუქმნიდა იმ სტაბილურობას, რომელიც ახლა ყალიბდება ამიერკავკასიის ტერიტორიაზე", - ნათქვამია სამინისტროს ინფორმაციაში.
წყარო:
interpressnews.ge