ჩვენი ბიუჯეტი არის ორიენტირებული ადამიანზე, - ამის შესახებ საქართველოს პრემიერ მინისტრმა ირაკლი ღარიბაშვილმა ქედაში ვიზიტის დროს ჟურნალისტებს განუცხადა.
როგორც პრემიერმა აღნიშნა, სახელმწიფო პრიორიტეტებები გამოკვეთილია სოციალური მიმართულებით და ორიენტირებულია მოსახლეობის პრობლემების მოგვარებაზე. ღარიბაშვილის განცხადებით, სოციალური დანახარჯების რაოდენობა მილიონ ლარზე მეტით გაიზარდა.
"სახელმწიფოს პრიორიტეტი არის გამოკვეთილი სოციალური მიმართულებებით, ისევე, როგორც იყო წინა ორი წლის განმავლობაში. მილიარდზე მეტით გავზარდეთ სოციალური დანახარჯები და ჩვენ მაქსიმალურად ვცდილობთ, რომ მოსახლეობას ის მძიმე პრობელემები, რაც წლების განმავლობაში ჰქონდა დაგროვილი და მოუგვარებელი, მოვუგვაროთ", - აღნიშნა ირაკლი ღარიბაშვილმა.
მისივე განმარტებით, მთავრობა და ფინანსთა სამინისტრო აქტიურად იმუშავებს პარლამენტთან, რათა 2015 წლის ბიუჯეტი იყოს მაქსიმალურად ეფექტიანი და გამართული.

წყარო: interpressnews.ge