მინდია ჯანელიძე - ჰეიგელმა ხელისუფლების წარმომადგენლებთან თავდაცვისუნარიანობის გაძლიერების საკითხები განიხილა
აშშ-ის თავდაცვის მდივანმა ჩაკ ჰეიგელმა საქართველოს აღმასრულებელი ხელისუფლების წარმომადგენლებთან ქვეყნის თავდაცვისუნარიანობის გაძლიერებასთან
დაკავშირებული საკითხები განიხილა და ამ მიმართულებით მთავრობას მხარდაჭერა აღუთქვა.
საქართველოს თავდაცვითი შესძლებლობების გაძლიერების თემაზე გაამახვილა ყურადღება კრიზისების მართვის საბჭოს ხელმძღვანელმა მინდია ჯანელიძემ ჩაკ ჰეიგელთან გამართული შეხვედრის შემდეგ.
"აშშ-ის თავდაცვის მდივნის საქართველოში ვიზიტი საქართველოს და ქვეყნის ხელისუფლების არჩეული კურსის მხარდაჭერის დემონსტრირებაა. ეს არის ძალიან მნიშვნელოვანი მოვლენა გამომდინარე იქიდან, რომ განხილული იყო საკითხები, რაც მიმართულია ჩვენი ქვეყნის თავდაცვისუნარიანობის, თავდაცვითი შესაძლებლობების და უსაფრთხოების განმტკიცებისკენ. ვიზიტს უდიდესი მნიშვნელობა აქვს თავდაცვისუნარიანობის განმტკიცების კუთხით", - განუცხადა ჟურნალსიტებს მინდია ჯანელიძემ, რომლის განმარტებით, ამ მიმართულებით კონკრეტული მუშაობა შესაბამის უწყებებს შორის წარიმართება.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი