საქართველოს საგარეო საქმეთა სამინისტროს ხელმძღვანელობა და საზღვარგარეთ საქართველოს დიპლომატიური მისიების ხელმძღვანელები დღეს,
8 აგვისტოს წლისთავთან დაკავშირებით, ძმათა სასაფლაოს ეწვევიან.
საგარეო საქმეთა სამინისტროს ინფორმაციით, ქართველი დიპლომატები ძმათა სასაფალოს გვირგვინით შეამკობენ და პატივს მიაგებენ ომში დაღუპულთა ხსოვნას.
რუსეთ-საქართველოს ომის წლისთავთან დაკავშირებით სხვადასხვა სახის ღონისძიებები გაიმართება საზღვარგარეთ საქართველოს დიპლომატიურ წარმომადგენლობებშიც.
საქართველოს საელჩოების ინიციატივით, 2008 წლის 8 აგვისტოსთან დაკავშირებით იგეგემება საინფორაციო მასალების გამოქვეყნება საერთაშორისო მედიასაშუალებებში. ასევე გაიმართება შეხვედრები ადგილობრივ ექსპერტებთან, დიპლომატიურ კორპუსთან და სამოქალაქო ორგანიზაციების წარმომადგენლებთან.
წყარო:
interpressnews.ge