სექტემბრიდან საპარლამენტო კომიტეტების სხდომები თბილისში არსებულ შენობაში ჩატარდება
სექტემბრიდან საქართველოს პარლამენტი მუშაობას თბილისში არსებულ შენობაში შეუდგება, სადაც მხოლოდ კომიტეტის სხდომები გაიმართება.
რაც შეეხება პლენარულ სხდომებს, მას დეპუტატები ქუთაისში მდებარე პარლამენტის შენობაში ჩაატარებენ.
პარლამენტის აპარატის უფროსის, ზურაბ მარაქველიძის განცხადებით, თბილისში გადასასვლელად მზადება გრაფიკის მიხედვით მიმდინარეობს. "სექტემბრიდან საკომიტეტო მუშაობა თბილისში უნდა დაიწყოს. ასეთია გრაფიკი. რაც შეეხება პლენარულ სხდომებს, ის ქუთაისში მდებარე შენობაში ჩატარდება. ჩვენ ამით კონსტიტუციის დარღვევას არ ვაპირებთ", - აღნიშნა მარაქველიძემ "ინტერპრესნიუსთან" საუბარში.
გრაფიკის მიხედვით თბილისში თავდაპირველად კომიტეტების აპარატები გადავლენ, ხოლო ამის შემდეგ გადასვლისათვის მზადებას პარლმენტის პარატის თანამშრომლები დაიწყებენ.
წყარო:
interpressnews.ge