თბილისს სენატორ ფილიპო ლომბარდის ხელმძღვანელობით, შვეიცარია-საქართველოს საპარლამენტო მეგობრობის ჯგუფი სტუმრობს.
დელეგაცია დღეს საქართველოს პარლამენტის თავმჯდომარე დავით უსუფაშვილს შეხვდება. დაგეგმილია შეხვედრა საგარეო ურთიერთობათა კომიტეტის თავმჯდომარე თედო ჯაფარიძესთან, საქართველო-შვეიცარიის მეგობრობის ჯგუფის ხელმძღვანელ ეკა ბესელიასთან და მეგობრობის ჯგუფის სხვა წევრებთან. ასევე შეხვედრა გაიმართება საპარლამენტო უმცირესობის წარმომადგენლებთან.
29 ივლისს შვეიცარია-საქართველოს საპარლამენტო მეგობრობის ჯგუფი სოფელ დიდ ხურვალეთსა და დიცში საოკუპაციო ხაზს მოინახულებს. ამის შემდეგ შვეიცარიის დელეგაცია მთავრობის ადმინისტრაციაში პრემიერ-მინისტრის სპეციალურ წარმომადგენელს რესეთთან ურთიერთობების საკითხებში ზურაბ აბაშიძეს შეხვდება. დაგეგმილია შეხვედრა საგარეო საქმეთა მინისტრის პირველ მოადგილესთან დავით ზალკალიანთან.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი