გოგა ხაჩიძე - სამარცხვინო და არასწორია ის დამოკიდებულება, რასაც უმრავლესობის წევრები ამჟღავნებენ პრეზიდენტისადმი
საპარლამენტო უმცირესობის წევრი გოგა ხაჩიძე მზად არის მიესალმოს პრეზიდენტს პარლამენტში, როგორც ამას პროტოკოლი ითვალისწინებს.
გოგა ხაჩიძის თქმით, ის რომ პრეზიდენტი დღევანდელ სხდომას დაესწრება, მნიშვნელოვანია. თუმცა, მისთვის უმრავლესობის მარგველაშვილისადმი დამოკიდებულება მიუღებელია.
"რა თქმა უნდა, პრეზიდენტი უნდა ესწრებოდეს ასეთ მნიშვნელოვან მოვლენას და ეს არის სწორი გადაწყვეტილება. სამარცხვინო და არასწორი არის უმრავლესობის კომენტარები და ის დამოკიდებულება, რასაც ისინი ყოველდღიურად ამჟღავნებენ პრეზიდენტისადმი. მე მას მივესალმები, ისე როგორც ამას ითვალისწინებს პროტოკოლი", - აცხადებს გოგა ხაჩიძე.
წყარო:
interpressnews.ge