თბილისის საკონცერტო დარბაზში "ერთიანი ნაციონალური მოძრაობის" კონფერენცია გაიმართა. ღონისძიებაზე პარტიის ლიდერებმა და წევრებმა ადგილობრივი თვითმმართველობის არჩევნების შედეგები შეაჯამეს
და პარტიის სამომავლო გეგმებზე ისაუბრეს.
მათი თქმით, მომდევნო ორი წლის განმავლობაში მოხდება მომზადება, რომ პარტიამ საპარლამენტო არჩევნებში გამარჯვება მოიპოვოს. დღევანდელი კონფერენცია დაახლოებით ერთ საათს გაგრძელდა. მასზე შესრულდა საქართველოსა და "ნაციონალური მოძრაობის" ჰიმნები.
კონფერენციას უძღვებოდა გოკა გაბაშვილი, რომელმაც დამსწრეებს კიევიდან პარტიის თავმჯდომარის, მიხეილ სააკაშვილის მოკითხვა გადასცა.
წყარო:
interpressnews.ge