დიდი ინტერესით ველოდებით გამოძიების შედეგებს, - ამის შესახებ საქართველოში ამერიკის შეერთებული შტატების ელჩმა
რიჩარდ ნორლანდმა ეროსი კიწმარიშვილის გარდაცვალების საქმის კომენტირებისას განაცხადა.
"ეს ამბავი ნამდვილი ტრაგედიაა. სამძიმარს ვუცხადებთ გარდაცვლილის ოჯახს. გვესმის, რომ გამოძიება მიმდინარეობს და ყველასთან ერთად, ჩვენც დიდი ინტერესით ველოდებით ამ გამოძიების შედეგებს", - აღნიშნა ნორლანდმა.
ეროსი კიწმარიშვილი გუშინ საკუთარ ავტომანქანაში გარდაცვლილი იპოვეს. მას თავის არეში აქვს ცეცხლსასროლი იარაღით მიყენებული ჭრილობა. გამოძიება თვითმკვლელობამდე მიყვანის მუხლით მიმდინარეობს.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი