თურქულ ფახლავასთან და იტალიურ ტირამისუსთან ერთად ყველასათვის საყვარელი ქართული ჩურჩხელა მსოფლიოს ყველაზე გემრიელი ტკბილეულის ათეულშია.
მართალია ჩურჩხელამ უკვე სახელი მსოფლიოშიც გაითქვა, მაგრამ კახეთში მისი რეალიზაციის პრობლემაზე საუბრობენ.
„ანაზღაურების საფასური არ არის, მაგრამ რადგან გაჭირვებაა, ვწვალობ, რომ 10-20 თეთრი მაინც დამრჩეს ერთი ჩურჩხელიდან. ნიგოზი და ყურძენი გაძვირდა, შესაბამისად ძვირი გვიჯდება და მომხმარებლებსაც უჭირთ მისი ყიდვა,“ - აცხადებს ერთ-ერთი ქალბატონი, რომელიც 25 წელია ჩურჩხელით ვაჭრობს.
ტრადიციული წესით დამზადებული ჩურჩხელის შეძენა AMAZON.COM-ზეც შეიძლება. მომხმარებლებს სწორედ იმიტომ მოსწონს, რომ იგი შაქრის ფხვნილისგან არ არის დამზადებული და ყურძნის ნატურალურ წვენს შეიცავს. რეიტინგის ათეულში მოხვედრამ, შესაძლებელია, საზღვარგარეთ ყურძნის რეალიზაცია უფრო გაზარდოს.
myrest.ge