პაკისტანელი კაცებისთვის ჩვეულებრივი ამბავია, ქალისგან უარის მიღების შემთხვევაში მათ სახეზე მჟავა მიასხან, რათა გოგონები სამუდამოდ დამახინჯდნენ.
პაკისტანში უამრავი ქალია, რომლებმაც არასასურველ მამაკაცზე გათხოვებაზე უარი თქვეს, „ძლიერი სქესი“ კი შეურაცხყოფის გამო მათ სასტიკად გაუსწორდა. სწორედ ამ ადამიანების დახმარება გადაწყვიტა ბრიტანელმა პლასტიკურმა ქირურგმა, ასიმ შაჰმალაკმა. ის მთელი ცხოვრების მანძილზე დაგროვილ დანაზოგს, 50 000 გირვანქა სტერლინგს დახარჯავს და სრულიად უანგაროდ დაეხმარება პაკისტანელ ქალებს. ყველა გოგონა 18-დან 25 წლამდეა. ასიმი რამდენიმე კოლეგასთან ერთად ესტუმრება კარაჩის (ქალაქი პაკისტანში) და 7 ქალს ოპერაციას გაუკეთებს.