იმერეთის გუბერნიაში გამოცხადებულ ვაკანსიებზე კადრების შესარჩევად მუდმივმოქმედი საკონკურსო-საატესტაციო კომისია შეიქმნა. კომისია 5 წევრისგან შედგება, რომლის თავმჯდომარე იმერეთის გუბერნატორი ზაზა მეფარიშვილია.
მეფარიშვილმა 6 მარტს საკონკურსო-საატესტაციო კომისიის წევრები დაასახელა და მედიის წარმომადგენლებს გააცნო.
გურამ გვენცაძე – საკონკურსო-საატესტაციო კომისიის თავმჯდომარის მოადგილე, 2013 წლიდან დღემდე არის მწერალთა, ხელოვანთა და მეცნიერებათა ეროვნული აკადემიის ერთ-ერთი დამფუძნებელი და ვიცე-პრეზიდენტი. ასევე არის ახალგაზრდა იურისტთა ასოციაციის წევრი.
მერაბ კეზევაძე – 1992 წლიდან დღემდე არის ქუთაისის ცენტრალური არქივის დირექტორი.
პაატა კლდიაშვილი – 2009 წლიდან არის საქართველოს ახალგაზრდა ეკონომისტთა ასოციაციის იმერეთის წარმომადგენლობის დირექტორი.
თამარ ნეფარიძე – საქართველოს ოფიციალურ წარმომადგენლობებს უწევს სათარჯიმნო მომსახურებას სხვადასხვა სასწავლო ტურებისა და გაცვლითი ვიზიტების დროს.
კონკურსი 41 ვაკანტურ თანამდებობაზე 7 მარტიდან გამოცხადდა, რომელიც 5 ეტაპისგან შედგება. საკონკურსო კომისიას მოუწევს, ეტაპობრივად შეარჩიოს კანდიდატურები როგორც რიგითი თანამშრომლების, ასევე სამსახურის უფროსებისა და ვიცე-გუბერნატორების პოსტებზე.
კომისიის წევრთა განცხადებით, აქცენტი ახალგაზრდა კადრებზე გაკეთდება.
კომისიის წევრები ანაზღაურების გარეშე იმუშავებენ.
psnews.ge