იმერეთის გუბერნატორად ზაზა მეფარიშვილი დაინიშნა
საქართველოს პრემიერ-მინისტრმა ირაკლი ღარიბაშვილმა 13 დეკემბერს ახალი გუბერნატორები წარადგინა. კახეთის გუბერნატორი იქნება ირაკლი შიოლაშვილი, შიდა ქართლის გუბერნატორი – ზურაბ რუსიშვილი; ქვემო ქართლის გუბერნატორი – გიორგი მღებრიშვილი; სამეგრელო-ზემო სვანეთის გუბერნატორი – ლევან შონია; მცხეთა-მთიანეთის გუბერნატორი – ნუგზარ ყიფიანი; სამცხე-ჯავახეთის გუბერნატორი – აკაკი მაჭუტაძე; გურიის გუბერნატორი – გიორგი ჩხაიძე; რაჭა-ლეჩხუმ-ქვემო სვანეთის გუბერნატორი – პარმენ მარგველიძე, ხოლო იმერეთის გუბერნატორად ზაზა მეფარიშვილი დაინიშნება, რომელიც შსს სახელმწიფო უსაფრთხოების სააგენტოს დასავლეთის რეგიონალურ სამსახურს ხელმძღვანელობდა.
ზაზა მეფარიშვილი დაბადებულია 1966 წელს. ჰყავს მეუღლე და ორი მცირეწლოვანი ვაჟი.
იგი ინჟინერ-ტექნოლოგია, აქვს ბუღალტერ-ფინანსისტის კვალიფიკაცია, აქვს საფინანსო საქმიანობის გამოცდილება, ასევე სამართალდამცავ სტრუქტურებში მუშაობის გამოცდილება.
გუბერნეტორებმა პოსტები ჯერ კიდევ მიხეილ სააკაშვილის პრეზიდენტობის დროს დატოვეს. იმერეთში ბოლოს პრეზიდენტის სახელმწიფო რწმუნებული ვახტანგ ბალავაძე იყო.