საქართველოში ტარდება კამპანია 2014 წლის წიგნიერების წლად გამოცხადების მიზნით. ამ ინიციატივას უკვე უამრავი ადამიანი გამოეხმაურა. მიმდინარეობს ხელმოწერების შეგროვება სპეციალურ პეტიციაზე, რომლის ონლაინ-ვერსიას შეგიძლიათ გაეცნოთ ინტერნეტში:         www.petitions24.com/2014

კამპანიის ფარგლებში გამომცემლობა „დიოგენე“ აცხადებს წიგნიერების წლის ლოგოს კონკურსს. კონკურსში მონაწილეობა ნებისმიერ მსურველს შეუძლია. გაგზავნეთ წიგნიერების წლის ლოგოს ორიგინალური, თქვენ მიერ შექმნილი ერთი ან რამდენიმე ესკიზი ელექტრონული სახით მისამართზე: 2014@diogene.ge

წიგნიერების წლის ლოგოს კონკურსი 2013 წლის 31 დეკემბრამდე გაგრძელდება.

გამარჯვებული მიიღებს კომპანია „ბილაინის“ მიერ დაწესებულ ფულად პრემიას 500 ლარის ოდენობით.