ქუთაისის დემოკრატიული ჩართულობის ცენტრში გაიმართა რეგიონული შეხვედრა იმერეთის  - სახელმწიფო საგრანტო დაფინანსებაზე გადასვლის შესახებ. კონფერენციის მიზანი იყო, იმერეთის მხარის 12-ვე მუნიციპალიტეტის სამოქალაქო საზოგადოების წარმომადგენლებისთვის, ინფორმაციის მიწოდება სახელმწიფო საგრანტო დაფინანსების კონცეფციის ძირითად საკითხებზე და საგრანტო დაფინანსების რეფორმით გათვალისწინებულ ძირითად მიმართულებებზე.

შეხვედრაზე მოწვეული იყვნენ 50-მდე სამოქალაქო საზოგადოების წარმომადგენლები, რომელთაც მიეწოდათ ინფორმაცია შემდეგზე: სახელმწიფო საგრანტო პროცესის საკანონმდებლო სტანდარტების დადგენა; სახელმწიფო საგრანტო სისტემაში ადგილობრივი თვითმმართველობის ჩართვა და უწყებათაშორისი გრანტების გაცემის შესაძლებლობის საკანონმდებლო დონეზე განმტკიცება; სახელმწიფო გრანტის თემატური სფეროების გაფართოება; სახალხო დამცველისთვის უფლებადაცვით სფეროში გრანტის გაცემის მინიჭება. ღონისძიების ორგანიზატორი იყო: ,,ადგილობრივი დემოკრატიის სააგენტო საქართველო” (LDA Georgia), ხოლო კვლევის წარდგენა განახორციელა ,,სამოქალაქო საზოგადოების ინსტიტუტმა” სი-ეს-აი (CSI).