გასულ წელს მიღებული ნაშთის სახით ბიუჯეტში საკრებულომ 6 700 000 ლარიანი ცვლილება დაამტკიცა. აღნიშნული თანხა პრიორიტეტულ პროექტებზე გადანაწილდა.
„ეკონომიების ხარჯზე მიღებული დანაზოგითა და 2015 წლის ბიუჯეტის ნაშთით, 2016 წელს ბიუჯეტში პირველი ცვლილება განხორციელდა. ჩვენ უკვე დამტკიცებული ბიუჯეტიდან დაზუსტებულ ბიუჯეტზე გადავედით. მინდა მადლობა გადავუხადო როგორც აღმასრულებელ, ასევე საკანონმდებლო ხელისუფლებას, რადგან ქამრების შემოჭერის პოლიტიკა მათ სწორად გაიგეს და სოლიდური თანხები დავზოგეთ პრემიების ხარჯზე. ცვლილებამ, დაახლოებით, 6 700000 ლარი შეადგინა,“ - განაცხადა შოთა მურღულიამ.
რაც შეეხება პრიორიტეტებს, არსებული თანხიდან 1 300 000 ლარი ბაღებს დაემატა. საიდანაც, დაახლოებით, ნახევარი მილიონი ბაღებში ცხელი წყლის სისტემის დამონტაჟებას მოხმარდება, დანარჩენი კი ხელფასებს, ასევე გაიზრდება კულტურულ დაწესებულებათა თანამშრომლების და ბიბლიოთეკის თანამშრომელთა ხელფასები. თანხები გადანაწილდა ინფრასტრუქტურულ და კულტურულ პროექტებზე.