დაისვენე კურორტ ახალდაბაში
დაისვენე სასტუმრო „ლუტრეზი“-ში
სპონსორი: PSnewsGE
ადგილობრივი თვითმმართველობის საკრებულოებში ფრაქციის შექმნის წესი იცვლება
ავტორი: PS („პოსტსკრიპტუმი“)
2021/11/15 22:23:00

„საქართველოს ორგანულ კანონში „ადგილობრივი თვითმმართველობის კოდექსი“ ცვლილების შეტანის თაობაზე“ კანონპროექტი ცვლილებების მიხედვით, საკრებულოებში ერთი პარტიული სიით გასული დეპუტატები მხოლოდ ერთ ფრაქციის შექმნას შეძლებენ. რეგიონული პოლიტიკისა და თვითმმართველობის კომიტეტის თავმჯდომარის, სოზარ სუბარის  განცხადებით, აღნიშნული მიდგომა პარლამენტში ფრაქციის შექმნის წესის ანალოგია და ცვლილებებით იგივე მოცემულობა საკრებულოებზეც გავრცელდება.

 

კანონპროექტით ასევე იცვლება ფრაქციის თავმჯდომარის მოადგილეთა რაოდენობა, რომლის მიხედვითაც, ფრაქციის თავმჯდომარეს საშუალება ექნება ფრაქციის ყოველ მეხუთე წევრის არსებობის შემთხვევაში დამატებითი მოადგილე ჰყავდეს. რაც შეეხება სამ კაციან ფრაქციას, ამ შემთხვევაში ფრაქციის თავმჯდომარეს მხოლოდ ერთი მოადგილე ეყოლება.

 

სხდომაზე კანონპროექტზე საუბრისას, სოზარ სუბარმა საკრებულოს თავმჯდომარის მოადგილეების რაოდენობის განსაზღვრაზეც ისაუბრა და აღნიშნა, რომ მოქმედი რედაქციით სხვადასხვა თვითმმართველობის საკრებულოს თავმჯდომარის მოადგილეების რაოდენება მუნიციპალიტეტის ამომრჩეველთა რაოდენობაზეა დამოკიდებული.

 

„ნაციონალური მოძრაობის“ წევრის, დავით კირკიტაძის შეფასებით, თვითმართველობების გაძლიერებაში იმდენად მნიშვნელოვანი კანონპროექტია, რომ მიუხედავას იმისა რომ მისი პოლიტიკური ჯგუფი ბოიკოტის რეჟიმში იმყოფება, ისინი მზად არის კანონპროექტის განხილვაში ჩაერთონ და მონაწილეობა მიიღონ.

 

„პლენარულ სხდომაზე მზად ვართ ვიმსჯელოთ კანონის მუხლებში შესატან ცვლილებებზე“, - აღნიშნა სოზარ სუბარმა კანონპროექტის განხილვის დასასრულს. კომიტეტის წევრებმა ორგანული კანონის პროექტის პლენარულ სხდომაზე გატანას, მხარი დაუჭირეს.

'.$TEXT['print'].'
სულ ნანახია - 120
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2021 საავტორო უფლებები დაცულია