რამდენიმე წუთის წინ წყალტუბო-ქუთაისის გზაზე, რესტორან „გრანდ პალასთან", საპირისპირო მიმართულებით მოძრავი ორი მსუბუქი ავტომობილი ერთმანეთს შეეჯახა.
ერთ-ერთ ავტომობილს ქალბატონი მართავდა. თვითმხილველთა თქმით, იგი გზაზე ავტომობილის მობრუნებას ცდილობდა, რა დროსაც საპირისპირო მიმართულებიდან მომავალმა ავტომობილმა სიჩქარე ვერ შეანელა, რამაც შეეჯახება გამოიწვია.
ავარიას მსხვერპლი არ მოჰყოლია.
ადგილზე მობილიზებულია საპატრულო პოლიციის ეკიპაჟი.
შსს-ს საზოგადოებასთან ურთიერთობის სამსახურის სპეციალისტის, ტატო კუჭავას თქმით, ორივე ავტომობილი საჯარომო ავტოსადგომზეა გადაყვანილი.
წყალტუბო-ქუთაისის გზაზე მხოლოდ ბოლო კვირის მანძილზე ავარიის მესამე შემთხვევა დაფიქსირდა.
აღნიშნულ მაგისტრალზე, როგორც ამ მიმართულებით მოძრავი სამარშრუტო ტაქსების მძღოლები აცხადებენ, ძალიან ხშირია ავტოსაგზაო შემთხვევები. მათი ვერსიით, მძღოლების უყურადღეებობის გამო გასწრების მცირე ინიციატივაც კი ავტოავარიით სრულდება.